#طريقة_عمل _رغيف_ حواوشى من الألف الى الياء
#طريقة_عمل_رغيف_حواوشى - شيف أبو بلال حصرى
مقدمة طريقة عمل رغيف حواوشى :
- اسم الحواوشى نسبة الى مخترعه بائع اللحم محمد أو أحمد الحواوشى.
- أكلة شعبية مصرية أصيلة.
- تشتهر بها قرية العزيزية فى مصر.
- رغيف حواوشى القاهرة يوضع اللحم فى رغيف خبز جاهز.
- رغيف حواوشى الأسكندرية يوضع اللحم بين طبقتين من العجين.
- تلعب البهارات فى إضفاء الطعم اللذيد والتست العالى للحواوشى.
مقادير طريقة عمل رغيف الحواوشى:
- محتاجين نصف كيلو من اللحم البقرى
- عاوزين عليهم 150 جرام من شحم الخاروف الضانى أو من شحم لحم البقرى من منطقة البطن.
- أيضا راح نحتاج الى نصف ك من الدقيق الخاص بعمل العيش.
- عاوزين ثلث حزمة من البقدونس ويفضل الكزبرة الخضراء مع عود من الشبت.
- راح نعوز 300 جرام من البصل يعنى حبتين كبار من البصل.
- وعاوزين ربع كاسة من الزيت.
- وعاوزين 1 حبة بيض.
- وعاوزين 50 جرام من الزبدة من أى نوع.
- عاوزين ملعقة كبيرة من الخميرة 10 جرام.
- عاوزين ملعقة كبيرة من الزبادى ( ممكن الإستغناء عنها )
- حبة من الطماطم.
- حبة من الفلفل الرومى.
- محتاجين 3 فصوص ثوم.
- ملعقة صغيرة من السكر.
- 2 ملعقة صغيرة من الملح.
- نحتاج رشة من جوزة الطيب.
- نحتاج الى ملعقة صغيرة من الفلفل الأسود الناعم.
- نحتاج الى ملعقة صفيرة من البابريكا الحلوة.
- رشة بسيطة من القرفة الناعمة.
طريقة عمل رغيف الحواوشى.. يلا بينا
- فى وعاء راح نحط الدقيق وعليه البيضة والخميرة والسكر ورشة من الملح ونصف كمية الزيت مع 50 جرام
الزبدة ونعجن جيدا ونضيف الماء لما العجين يقول ماء مااااااء لغاية لما نحصل على عجينة متماسكة ناعمة الملمس.
- تترك العجينة جانبا للخمير لمدة نصف ساعة.
- فى إنا يقطع اللحم والدهن الى قطع صغيرة وكذلك البصل والبقدونس أو الكزبرة مع عود الشبت والثوم ونفرم
دول كلهم مرة واحدة فقط بالمفرمة. ( وجه واحد بالمفرمة )
- نضع باقى كمية الملح والفلفل الأسود والبابريكا والقرفة ورشة جوزة الطيب ونخلط جيدا جدا.
- تقسم اللحمة بالتساوى الى أربع قطع او خمسة.
- طبعا بعد نصف ساعة العجين زمانه بيصوت وبيقول ألحقونى أنا خمران.
- بلاش نزعل العجين وفورا بقطعه الى 8 قطع بالتساوى ونعملهم زى الكورة.
- نترك العدين بعد التكوير لمدة 5 دقايق بالضبط وبعدين على رخامة المطبخ أو الطبلية أو أى مكان
مسطح نرشة شوية دقيق ونغمر قطعة العجين فى الدقيق ونبدأ فى فرد العجين بالمردناة او النشابة أو الفرادة
أو أى شىء متوفر فى البيت ممكن يفرد العجينة.
- بعد فرد العجينة نأتى بصاج الخبيز بتاع الفرن ويدهن بالزيت ونضع العجينة المفرودة عبارة عن دائرة
وضع عليها كورة من اللحم ونفردا ( لا نصل باللحم الى حرف العجين )
- بعد كده نضع قليل من الفلفل الرومى او الفلفل الحار مع قليل من الطماطم ( ده إختيارى )
- بعد ذلك نضع طبقة العجين الثانية ونقفل الغريف كما هو واضح بالفيديو المرفق.
- يدهن وجه رغيف العجين بالزيت بالفرشاة ويترك لمدة 15 دقيقة للخمير ثم يخبز بالفرن على درجة حرارة
250 درجة.
- نكرر هذه العملية حتى ننتهى من خبيز الكمية كاملة.
ملاحظات على طريقة إعداد رغيف الحواوشى - حصريا من شيف أبو بلال:
- مش ضرورى يكون الحشو باللحم المفروم ممكن يكون حواوشى بسطرمة او سوسيس أو سجق.
- ممكن الحشو بالجبنة بتشكيلة من الأجبان مع البيض.
- ممكن الحشو بالخضار مع الجبن والبيض.
- من الضرورى المحافظة على نسبة الدهن فى اللحم بحيث لا تقل عن ثلث وزن اللحم.
- كذلك البصل والخضار لا يمكن تقليل الكمية المذكورة.
- تخمير العجين فى بدايته هام جدا ويؤدى الى نجاح الرغيف بدرجة كبيرة جدا.
- أصل البهارات هى الفلفل الأسود ورشة جوزة الطيب. باقى البهارات إختيارى لتعزيز الطعم فى حالة توفرها.
- تم وضع البيض والزبدة والزيت فى العجين لنحل على رغيف طرى وناعم يؤكل قبل اللحم.
- كيلو اللحم بيعمل 8 رغيف حواوشى ممكن يصل الى 10 رغيف اذا كان متوسط الحجم.
- طبعا ما عدا السهو والخطأ إذا كنت نسيت شىء فلا تاّخذونى عليه فكل البشر خطاء.
دى طريقتى وده إجتهادى ونسأل الله التوفيق .
مع تحيات محبكم شيف محاسب أبو بلال.
لمشاهدة الفيديو :https://youtu.be/3mzlNj4onF4
للإشتراك فى قناتى :https://www.youtube.com/channel/UCHeeB7U2SvsuLNFQA18xytQ?view_as=subscriber
أشكركم لوقتكم وسعة صدركم ويسعدنى ويشرفنى إشتراكم فى قناتى,
-